Illum Chorus Excelsior qiegħed taħt  id-direzzjoni ta’
Mro. Norbert Camilleri ALCM, LVCM, L.Mus. L.C.M., Dip. Sacred Music. 
                            Norbert huwa miżżewweġ, għandu żewġt'itfal u joqgħod Ħal Luqa.  Sa minn ċkunitu deher li kellu ġibda kbira lejn il-mużika u għalkemm kien għadu ta'eta' żgħira ħafna biex jibda l-lezzjonijiet fil-mużika, kien jagħmel minn kollox sabiex jipprova jdoqq il-pjanu li sa dak iż-żmien kienet tistudja fuqu oħtu l-kbira.
Kien fl-1980 meta Norbert beda jattendi għal-lezzjonijiet tal-pjanu u tat-teorija għand il-Profs. Charles Zammit.  Fl-1986 kiseb l-ewwel diploma tiegħu fil-pjanu u t-teorija - l-A.L.C.M.  Hu kompla jistudja u wara tliet snin kiseb ukoll il-liċenzja fid-daqq tal-pjanu - L.V.C.M.
                             L-istudju mużikali dejjem kien għalih bħala l-isbaħ passatemp u kien jiddedika l-ħin liberu biex jistudja l-pjanu jew il-kompożizzjoni.  Norbert qatt ma ħares lura tant li mill-1995 'il quddiem kompla jistudja t-teorija u l-arti tal-kompożizzjoni ma' Mro. Ronnie Debattista fejn kiseb A. (Mus.) L.C.M. u wara wkoll il-liċenzjat fit-teorija tal-mużika L.(Mus.)L.C.M.  Norbert huwa wkoll għalliem part-time  fid-daqq tal-pjanu, teorija u l-arti tal-kompożizzjoni.
                               Il-mużika sagra kienet dejjem għal qalb Norbert u dejjem xtaq li jkollu l-opportunita' li jistudja dan il-ġeneru ta' mużika.  Fil-fatt daħal fl-Universita' ta' Malta  fejn studja u kiseb diploma fil-mużika sagra - Dip. Sacred Music - ħolma li għalih saret realta'.